Baş səhifə >Xəbərlər

Xəbərlər

Bakıdakı FIA həftəsi Rally & Circuit Mükafatlandırma mərasimi ilə başa çatıb
2023-12-09 19:27:00
1661

Cümə günü FIA-nın Bakıda keçirilən möhtəşəm Mükafatlandırma mərasimindən sonra avtomobil idmanı üzrə 2023-cü il çempionlarının və qaliblərinin mükafatlandırılması şənbə günü də davam edib. Mərasimdə FIA Rally & Circuit mükafatları təqdim olunub. 2022-ci ildə olduğu kimi, bu il də ralli yarışında müxtəlif nominasiyalarda qalib gələn pilotlar təltif ediliblər.

Mərasimdə Beynəlxalq Avtomobil Federasiyasının (FIA) prezidenti Mohammed Ben Sulayem çıxış edərək FIA həftəsinə ev sahibliyi edən Bakıya qonaqpərvərlik və yüksək təşkilati işlərə görə minnətdarlığını ifadə edib.

Azərbaycan Avtomobil Federasiyasının (AAF) prezidenti Anar Ələkbərov FIA-nın Bakıdakı tədbirlərində iştirak etmək üçün Azərbaycana gələn FIA prezidentinə, FIA ailəsinə və Azərbaycan Avtomobil Federasiyasına Bakıdakı tədbirə göstərdikləri dəstəyə görə təşəkkürünü bildirib.

Sonda AAF prezidenti Anar Ələkbərova FIA prezidenti Mohammed Ben Sulayem, 2023-cü il Formula 1 çempionu Maks Ferstappen, Red Bull komandasının direktoru Kristian Horner və Red Bull komandasının pilotu Serxio Peresin imzaları ilə hədiyyə təqdim olunub.

ƏN ÇOX OXUNANLAR

Bakı FIA Baş Assambleyalarının iclasları və Prize-Giving mərasiminə hazırlaşır

30.10.2023
106868

Kartinq üzrə təmsilçimiz Cəmil Həsənli Rocers

05.12.2019
8155

Dövlət Bayrağı Gününə həsr edilmiş “Offroad” yürüşü keçirilib.

12.11.2019
7574